A is ook vir asemhaling!!!!

Asemhaling... een van die mees basiese liggamsfunksie vir enige lewende wese. Maar hoe haal ons asem, elke dag, elke slag.Asemhaling is die onwillekeurige inneem van suurstof ,deur twee van die spiere nl die tussenribspiere en die diafragma....!Niemand leer ons om asem te haal nie, dis een van daardie funksies wat net gebeur die oomblik as ons gebore word , ja ek weet vir die meeste van ons .

Maar het iemand al ooit daaraan gedink oor wat eintlik met die baba gebeur .Ons praat nie nou baba sal weer daar kom , maar swanger vroue het die manieer om harder asem te haal , en te snork. Dispnee of kortasem, is ook aan die orde van die dag , kom gewoonlik in die eerste of tweede trimester, voor as gevolg van die verhoging in kardiovaskulere funksie, en weereens die sondebok progesteroon.

Asemhaling en bewuste asemhaling in swangerskap, is ook goeie manier om die vrou op haar eie behoeftes in te stel, en ja ,dit kan help, om te leer om lekker diep in te asem ,en die longe goed te vul met skoon lug , ekstra suurstof vir baba, en help jou om lekker te ontspan.Dink aan jou asemhaling en hoe jy dit doen. Haal diep asems in deur die neus, uit deur die mond minstens vyf keer.Maak jou ogies toe as jy dit doen, dink aan jou baba en sy gelaatstrekke . Ek is seker nou is jy ook lekker ontspanne.

Die lekkerste is wanneer baba so huil, en jy uitgestress word, en voel jy kan nnie meer nie. en nie maar raad het nie,en jy doen die vyf asemteue, en dink jou lyf is lappop.... gaan jy heerlik ontspan en raai baba gaan ophou huil.Ai tog as ons as ouers maar net die waarde van asemhaling verstaan en dit elke dag in ons lewe toepas .Bespreek dit met die liefde van jou lewe doen dit saam en voeg jare by jou lewe.

A is vir afwagting ....ja daardie afwagting waarvan almal weet

A is vir die eerste letter van die alfabet, appel `n dag laat die dokter wag,aspersie en aartappels, aarbeie en antisipasie, afwagting vir die strepies om op die toets te wys, afwagting vir die bloedtoets se uitslae , vir die pienk en blou toets, vir die eerste sonar, die eerste besoek aan die dokter , die eerste skop, die eerste sien , die eerste vashou , die eerste borsvoed, die eerste van als.

Vandag weet ons als so gou, danksy die liewe tegnologie , eers moes jy wag om jou periode te mis, vandag kan jy die toets voor dit doen, eers moes jy wag vir die sonar ,om te sien wat is die geslag is, vandag doen mens pienk en blou toetsop 8 weke, maar ai dit maak nog daardie afwagting nie minder elektries nie en lewe ons vir daar die eerste maal.

Afwagting vir nuwe pienkvoet het verskeie dimensies van baie geskeduleerde seks tot oeps dit was nou nie die slimste ding om te doen nie . Maar almal is dit eens dat daar nie so iets soos glips is nie en dat elke baba `n doel en toekoms het.Daarom is dit belangrik om die beste vir jou baba in die tyd van afwagting te doen met jou dieet en als wat jy doen vir die kleine nuwe lewetjie.

Afwagting beteken ook die laaste paar dae van wag, om daardie nuwe baba te leer ken, en te wag totdat die baba se regte tyd waarvoor hy bestem is, daar is en nie deur die geelwortelteorie omgekoop te word vir induksie of beplande keiser voor die 39ste week nie.

Afwagting is ook een van daardie lesse wat ons moet leer met nuwe baba , om meer geduld te he en meer rustig te raak  elke ding op sy eie tyd....!!!

Ek is weer terug na `n periode van stilswye....

Daar het voorwaar nuwe lewe in ons kliniek ingedraf in die vorm van al die nuwe babas , mammas, en ook personeel. Roline die nuwe ontvangsdame het haar voete gevind en Sr Annatjie het in haar plekkie ingeval en saam maak ons nou gedugte span.Dankie aan al ons kliente wat hul vriende verwys en ook dankie aan Ons Hemelse Vader vir die kliniek wat elke dag groei meer as ooit tevore,en my meer tyd gee vir ander dinge wat belangrik is vir alle mamas en babas .Hou ons spasie dop jul gaan verras wees

Refluks - die pad terug

Definisie van Refluks.

Refluks is die woord wat gebruik word ,vir daardie aksie wat gebeur as die maaginhoud terugstoot in die mond. Gasto-oesofagale refluks(GORD) is die onwillekeurige terugstoot van gastriese inhoud in die oesofagus of slukderm.

GORD word gekenmerk deur braking na voedings.In 85% van alle geaffekteerde babas, sal die ouers kla van oormatige braking wat in die eerste week begin.Nog 10% sal met die tekens en simptome presenteer in die eerste 6 weke .Geleidelik behoort die baba dit te ontgroei, en teen tien maande is daar omtrent 1 uit 20 babas wat steed refluks het(Dr Anne Taylor).Simptome is gewoonlik weg teen die tyd wat die baba 2 jaar oud is en 60% ontgroei dit sonder behandeling.

Slegs een uit 300 babas met refluks ontwikkel komplikasies, ongelukkig word GORD of refluks soms oor-gediagnoseer ,en neem almal dit nie altyd ewe ernstig of ligtelik op nie."Silent Relflux", is waneer die gastriese inhoud terugstoot in die oesofagus en weer teruvloei sonder braking, maar twee maal die pyn veroorsaak

Simptome is die direkte gevolg van die sooibrand ,wat suur is en die slukderm kan irriteer of brand. Hierdie babas is huilerige babas veral tydens of net na voeding

Tipiese tekens en simptome is:

• Babas skree as hul slaap
• Word ge-etiketteer as koliek babas
• Bal hul vuisies
• Trek hul koppie terug, en maak boog na agter met hul ruggies,tydens en na voedings
• Drink min op slag maar, wil meer gereeld drink omdat die slukderm brand en die melkies dit dan afkoel
• Mag weier om te voed
• Hoes tydens voedings
• Herhalende borsinfeksies
• Apnea aanvalle, hul hou op asemhaal.
• Herhaalde sinus en middel oor infeksies
• Sluk probleme met verstik en "Gag"
• Baie gasserig en "burp" ongelooflik moeilik

Hierdie babas moet ook wanneer hul aan vaste kosse blootgestel, word met omsugtigheid gehanteer word want sekere kosse vereger die refluks.,
Refluks moet nie verwar word met die gewone opgooi wat babas van tyd tot tyd het nie en eenvoudig "happy spitters" is alle babas gooi van tyd tot tyd op .As jy vermoed jou baba het refluks gaan sien jou dokter vir die regte behandeling.

Dis winter, dis koud en dis siek kindertjies...!!!

Moet ek my baba/ kind iets gee om sy immuniteit te bevorder en indien wel wat en wanneer.Immuun bevordering is die gons woord van die tyd vir beide ouers en ook die gesondheidspersoneel.Mens moet net besef daar is niks fout met mens siek word nie , almal word van tyd tot tyd siek.

WAT KAN EK DOEN OM MY KIND SE IMMUUNSISTEEM TE VERBETER:

As ouers is daar soveel wat jy kan doen om hierdie bondeltjie van jou te beskerm en die beste moontlike potensiaal te laat bereik of voor te gee :

• Om tydens swangerskap `n gesonde lewenstyl te lei kan reeds die baba beskerm teen ooreflike faktore wat effek op baba se gesondheid en immuniteit kan he
• Vermy rook , alkohol, en alle ander dwelms terwyl jy swanger is.
• Borsvoed so lank as wat jy kan en probeer mik vir die WGO (wereldgesondheids organisasie ) se riglyne , minstens ekslusief vir 6 maande en dan saam met vaste kos tot en met twee.
• Sorg dat jy die baba asap aan die bors kry na die geboorte, moenie op skedule voer nie, en moet ook nie drinktyd beperk nie, daardeur verseker jy dat baba, al die kolostrum, die goue "magic", voorloper van borsmelk inkry, want dit begin reeds die boustene, wat die baba se immuniteitsisteem begin vorm.
• Probeer om so min as moontlik medikasie vir jou baba te gee, onthou `n lae graadse koors is `n goeie ding want, dit beteken die liggaampie is besig om iets te beveg, en sodoende teenligaampies te produseer , dus wees versigtig met die pyn en koorsstropie mamma.
• `n Ligte koors is nie net `n teken van virus of siekte ni,e maar ook die liggaam se manier om die mikrobes te vertraag
• Verhoogde koors vernietig ook die mikrobes so spons baba eers af voor jy medikasie gee.
• Moenie babas te vroeg begin vaste kos gee nie Die WGO en ESPGHAN stel voor dat 17 weke tot 6 maande `n goeie tyd is wag dus so lank as wat jy moontlik kan.
• Verhoog jou baba se inname van vars groente en vrugte bo gebottelde kommersiele voedsels.
• Moedig jou kind aan om skoon water te dirnk in plaas van gaskoeldranke en sappe.
• Sorg dat babas en kinders gereeld in vars buitelug kom veral 10 min se sonskyn elke dag op mens verhoog jou absorpsie van vitamiene D essensieel vir goeie immuniteit.
• Probeer om een tot een dagsorg te gebruik , nanny , au-pair, grootouers want dan is die kanse om siek te word verminder
• Gee baie ekstra liefde en vel tot vel kontak omdat dit die algemene welstand verhoog en sodoende ook immuniteit bevorder.
• Gee jou baba pro-biotika omdat `n flora wanbalansin die ingewande maklik die imuunsisteem kan beinvloed.

Om die bogenoemde maatreels te gebruik kan jy en jou gesin baie gesonder die winter wees. 

Onthou om jou "babymoon" te beplan

Net soos die tradisionele "honeymoon" vir na die huwelik, beplan word, is ons veronderstel om ook ons "babymoon" na die geboorte te beplan. Daar moet onthou word, wat die tradisionele "honeymoon" se doel is. Dis eenvoudig, die nuut getroude paartjie moet mekaar op meer intieme vlak leer ken, dus beteken `n "babymoon" ,doodeenvoudig, dat die paartjie en hul nuwe baba, mekaar ook sal leer ken, `n baie nou intieme vlak.Hierdie is absolute tyd waar die nuwe ouers alle verwagtinge moet opsy sit ,die wereld in sy geheel uit sluit, en net op die baba fokus, totdat hul reg voel om ander mense in hierdie sirkel in te laat.

Dis `n tyd van mekaar opnuut leer ken as paartjie, met nuwe missie ouerskap, tyd om die baba te leer ken en om met die baba te bind. Die "babymoon is daar sodat die ouers ook leer, dat om paar te wees veel anders is as om gesin te wees, en die dinamika in hierdie verhouding verander geheel en al..Dis tyd wat ingeasem moet word, elke oomblik van verwondering oor elke nuans van die baba. Dit neem tyd om jou baba te bestudeer en jou op dieselfde golflengte as die klein mensie, in te stel. Hoe meer bedag jy op jou baba se klein behoeftetjies, en gedrag  is, hoe beter is die fondasie vir die weke , maande en jare wat daarop volg.Nie net is dit so belangrik vir die fondasie nie maar ook vir die baba se gevoel van sekuriteit en optimale geleentheid vir ontwikkeling.

Dr Grantley Dick Read het gese dat die baba net drie behoeftes het, en dis die teenwoordigheid van sy mamma,die kos van haar bors ,en die sekuriteit van haar arms ,en dis wat gedoen moet word in die "babymoon". Deur die baba soveel as moontlik te koester, en vel tot vel , te hou maak die oorgangs staduim van die uterus na die aarde, soveel gemakliker vir die pasgebore baba, veral ten opsigte van die sensoriese verskille tussen die uterus en die moeder se arms.

So vir die baba wat gekoester word, saam met sy liewe ouers en wat aan gesimuleerde uterus scenarios, blootgestel word bv "swaddling", "white noise"  en ritmiese bewegings, maak dit, dit soveel makliker vir die baba..Nie net is hierdie "babymoon" voordelig en gesond vir die baba nie ,maar ook vir die moeder wat se liggaam, moet terugkeer na haar voor-swangerskap staat, en daarom is dit voordelig om "babymoon " met net soveel omsigtigheid as die "honeymoon" beplan word.

Met al die veranderinge en stress wat nuwe baba en die geboorte teweegbring is dit net vir my so belangrik dat alle ouers moet besef ,dit maak die oorgang van vrou na mamma, en man na pappa, soveel makliker as ons dit net stadig neem ,en die belangrike tyd van mens se lewe indrink, en geniet want dit gaan nooit weer terug keer, en as dit verby is, is dit verby.Gaan sit bietjie, en oorweeg die voordele, en begin beplan aan jou "babamoon"!!!

Borsvoeding is nie die beste nie, formulemelk nie die tweede beste nie en dis nie vroue wat borsvoed nie!!!!

Vir jare lank is almal geindoktrineer dat borsvoed die beste is en dat formule melk die tweede beste is en dat vrouens borsvoed , toe kom dr Gribble en Prof Jim Akre en hy bars ons borrel.....Nee bosmelk is die normale voeding want elke spesie het nodig om hul eie melk te kry want dis spesie spesifiek en aangepas om aan spesie spesifieke eienskappe te voldoen .Formule voeding is die 4de beste alternatief na borsmelk en vyfde kom ande soogdier melke soos bv nie aangepaste heel beesmelk.Vrouens borsvoed nie want as hul nie die ondersteuning van die gemeenskap om hul het nie dan werk borsvoeding nie uit nie.
Hoeveel van julle gaan vir die beste Paryse fyn onderklere , of die beste nuutste modernste klere ....gewoonlik nie want ons moet dit koop wat in ons begroting is en dis gewoonlik nie die beste maar net goed genoeg.Ons lewe in kultuur waar alles net goedgenoeg is wat nie sleg is nie inteendeel nie ons is ook nie supermammas nie ons hoef nie te wees nie ons is net goed genoeg probeer die beste mamma wat jy kan wees wees.

Ongelukkig is borsvoeding nie die beste nie dis die normale voeding vir die mens baba.Vrouens borsvoed al vir de laaste om en by alf miljoen jaar en formulevoeding is nog net so vir plus minus die laaste 60 jaar deel van mensbabas se lewe en sien oons nou die gevaarlike newe-effekte vir ons mens.

Formula gevoede babas het

•  twee maal die risiko dat babas nie die eerste paar weke oorleef nie,
• vyf keer meer die risiko om gastro te kry,
• twee maal meer die risiko om ekseem en asma te kry
• en `n erge agt keer meer rrisiko om limfatiese kanker te kry inderdaad ` baie negatiewe prentjie nie waar nie
• vyf maal groter risiko om in die eerste jaar gehospitaliseer word vir verskeie siektes
• groter kans om tipe 1 diabetes op te doen want formule voeding het geen insulien wat wel in moedersmelk voorkom en noodsaaklik is vir die volwassewording van die onvolwasse spysverteringsisteem van die baba
• groter kanse om hipertensief te word
• om hoe cholestral te ontwikkel
• wie van julle weet dat die vroee spening van die baba lei tot die verhoging van borskanker en heupfrakutre van die mamma
• tipe 2 diabetes en hartaanvalle kan kry
• ontwikkel nie hul volle potensiaal omdat formula nie taurine en dha bevat wat help om breingroei te ontwikkel nie

Dit klink skrikwekkend nie waar maar ja ongelukkig is dit presies die waarheid maar wat formule is tweede beste as die borsvoeding nie werk nie dan doen ons maar formula.Maar in ons harte moet ons net weer mooi dink en dalk die risikos opweeg en onthou meeste van die negatiewes is nie dadelik te bespeur nie